2021 മുതല് 2025 വരെയുള്ള പതിനാലാം പഞ്ചവത്സരപദ്ധതിക്കാലത്തു ചൈനയിലെ വിതരണ-വിപണന സഹകരണമേഖല വര്ഷംതോറും കൈവരിച്ചതു ശരാശരി 8.6 ശതമാനംവീതം വര്ധന. വിതരണ-വിപണന സഹകരണസ്ഥാപനങ്ങളുടെ അഖില ചൈനാഫെഡറേഷന്റെ കണക്കാണിത്. ഇക്കാലത്തു വിതരണ-വിപണന സഹകരണസംഘങ്ങളുടെ ഉടമസ്ഥതയിലുള്ള 1472 സംരംഭങ്ങള് 100 മില്യണ് യുവാനില്പരം
(ഏകദേശം 11.11 മില്യണ് യു.എസ്. ഡോളര് ) വരുമാനമുണ്ടാക്കി.
ചൈനയില് വളംവിതരണത്തിന്റെ ഏഴുപതു ശതമാനത്തോളം വിതരണ-വിപണന സഹകരണസ്ഥാപനങ്ങളാണു നടത്തുന്നത്. അവയുടെ
ആകെ വാര്ഷിക കാര്ഷികോത്പന്നവില്പന മൂന്നു ട്രില്യണ് യുവാനിലേറെയാണ്. ഭക്ഷ്യസുരക്ഷയില് അവയുടെ പങ്ക് വളരെ വലുതാണ്.
2026 മുതല് 2030 വരെ നീളുന്ന പതിനഞ്ചാം പഞ്ചവത്സരപദ്ധതിക്കാലത്തു കാര്ഷിക-ഗ്രാമീണ മേഖലയെയും കര്ഷകരെയും സഹായിക്കാനുള്ള ശക്തി വര്ധിപ്പിക്കണമെന്നു ചൈനീസ് ഉപപ്രധാനമന്ത്രി ലിയു ഗുവോഷോങ് ഈ സഹകരണപ്രസ്ഥാനങ്ങളോട് ആഹ്വാനം ചെയ്തിട്ടുണ്ട്. ഫെഡറേഷന്റെ എട്ടാം ദേശീയ സമ്മേളനത്തില് സംസാരിക്കവെയാണ് അദ്ദേഹം ഈ ആഹ്വാനം നടത്തിയത്.