സഹകരണസംഘം ജീവനക്കാരുടെ ശമ്പളവും അലവന്സുകളും പരിഷ്കരിക്കുന്നതിനു സഹകരണസംഘം രജിസ്ട്രാറെ സര്ക്കാര് ഏകാംഗക്കമ്മീഷനായി നിയമിച്ചു. കമ്മീഷന് മൂന്നു മാസത്തിനുള്ളില് റിപ്പോര്ട്ട് സര്ക്കാരിനു സമര്പ്പിക്കും.
പ്രാഥമിക സഹകരണസംഘങ്ങള്, അര്ബന്ബാങ്കുകള്, പ്രാഥമിക കാര്ഷിക ഗ്രാമവികസനബാങ്കുകള്, ആശുപത്രിസഹകരണസംഘങ്ങള് എന്നീ സ്ഥാപനങ്ങളിലെ ജീവനക്കാരുടെ ശമ്പളവും അലവന്സുകളുമാണു പരിഷ്കരിക്കുക. ഈ ജീവനക്കാരുടെ ശമ്പളവും അലവന്സുകളും പരിഷ്കരിക്കാന് ഒരു കമ്മിറ്റിയെ നിയോഗിക്കാവുന്നതാണെന്നു സഹകരണസംഘം രജിസ്ട്രാര് 2024 സെപ്റ്റംബര് 26 നും 2026 ഫെബ്രുവരി മൂന്നിനും സര്ക്കാരിനോട് ശിപാര്ശ ചെയ്തിരുന്നു. ഇതനുസരിച്ചാണ് ഏകാംഗക്കമ്മീഷനെ നിയമിച്ചത്. മൂന്നു മാസത്തിനുള്ളില് റിപ്പോര്ട്ട് സമര്പ്പിക്കാനാണു കമ്മീഷനോട് നിര്ദേശിച്ചിരിക്കുന്നത്.