2025 ഡിസംബര് 17, 23, 24 തീയതികളിലെ സഹകരണ സര്വീസ് പരീക്ഷാബോര്ഡിന്റെ വിജ്ഞാപനങ്ങള്പ്രകാരം വിവിധ സഹകരണസംഘങ്ങളിലെയും ബാങ്കുകളിലെയും വിവിധ തസ്തികകളിലേക്ക് ഒ.എം.ആര് / ഓണ്ലൈന് / എഴുത്തുപരീക്ഷകള് 2026 മാര്ച്ച്, ഏപ്രില്, മെയ് മാസങ്ങളില് നടക്കും.
ടൈപ്പിസ്റ്റ് ( കാറ്റഗറി 41 / 2025 ) തസ്തികയിലേക്കുള്ള എഴുത്തുപരീക്ഷ മാര്ച്ച് ഏഴിനാണ്. ഉച്ചയ്ക്കു രണ്ടു മുതല് നാലു വരെയാണു പരീക്ഷാസമയം. 1.30 നു റിപ്പോര്ട്ട് ചെയ്യണം. തൃശ്ശൂര് ജില്ലയിലാണു പരീക്ഷാകേന്ദ്രങ്ങള്. സിസ്റ്റം അഡ്മിനിസ്ട്രേറ്റര് ( കാറ്റഗറി 39 / 2025 ) തസ്തികയിലേക്കുള്ള ഓണ്ലൈന് പരീക്ഷ മെയ് മൂന്നിനു രാവിലെ 11 മുതല് 12.30 വരെയാണ്. 10 മണിയ്ക്കു റിപ്പോര്ട്ട് ചെയ്യണം. അതേദിവസംതന്നെ ഡേറ്റ എന്ട്രി ഓപ്പറേറ്റര് ( കാറ്റഗറി 40 / 2025 ) തസ്തികയിലേക്കുള്ള ഓണ്ലൈന് പരീക്ഷയും നടക്കും. ഉച്ചയ്ക്കു 2.30 മുതല് നാലു മണിവരെയാണു സമയം. 1.30 നു റിപ്പോര്ട്ട് ചെയ്യണം.
അസി. സെക്രട്ടറി, ചീഫ് അക്കൗണ്ടന്റ്, ഡെപ്യൂട്ടി ജനറല് മാനേജര്, അസി. ജനറല് മാനേജര്, ബ്രാഞ്ച് മാനേജര് ( കാറ്റഗറി 35 / 2025 ) തസ്തികകളിലേക്കുള്ള ഓണ്ലൈന് പരീക്ഷ മെയ് 17 നാണ്. ഉച്ചയ്ക്കു രണ്ടു മുതല് 3.30 വരെയാണു പരീക്ഷാസമയം. ഒരു മണിക്കു റിപ്പോര്ട്ട് ചെയ്യണം.
വിവിധ തസ്തികകളിലേക്കുള്ള ഒ.എം.ആര്. പരീക്ഷ മാര്ച്ച്, ഏപ്രില് മാസങ്ങളില് നടക്കും. ജൂനിയര് ക്ലാര്ക്ക് / കാഷ്യര് ( കാറ്റഗറി 34 / 2025, മലപ്പുറം പൊന്നാനി സഹകരണ അര്ബന് ബാങ്ക് ) തസ്തികയിലേക്ക് മാര്ച്ച് ഒന്നിനാണു പരീക്ഷ. രണ്ടു മുതല് 3.30 വരെയുള്ള പരീക്ഷയ്ക്ക് 1.30 നു റിപ്പോര്ട്ട് ചെയ്യണം. ജൂനിയര് ക്ലാര്ക്ക് / കാഷ്യര് ( കാറ്റഗറി 42 / 2025, മലപ്പുറം മഞ്ചേരി സഹകരണ അര്ബന് ബാങ്ക് ) തസ്തികയിലേക്കുള്ള പരീക്ഷ മാര്ച്ച് എട്ടിനാണ്. രണ്ടു മുതല് 3.30 വരെയുള്ള പരീക്ഷയ്ക്കു 1.30 നു റിപ്പോര്ട്ട് ചെയ്യണം. ജൂനിയര് ക്ലാര്ക്ക് / കാഷ്യര് ( സൂപ്പര്ഗ്രേഡ് കാറ്റഗറി 36 / 2025 )) തസ്തികയിലേക്ക് മാര്ച്ച് 22 നും ജൂനിയര് ക്ലാര്ക്ക് / കാഷ്യര് ( സ്പെഷല് ഗ്രേഡ് ക്ലാസ് I കാറ്റഗറി 37 / 2025 ) തസ്തികയിലേക്ക് ഏപ്രില് 12 നും ജൂനിയര് ക്ലാര്ക്ക് / കാഷ്യര് ( ക്ലാസ് II VII കാറ്റഗറി 38 / 2025 ) തസ്തികയിലേക്ക് ഏപ്രില് 26 നും ഒ.എം.ആര്. പരീക്ഷ നടക്കും. എല്ലാ പരീക്ഷകളുടെയും സമയം രണ്ടു മുതല് 3.30 വരെ. 1.30 നു റിപ്പോര്ട്ട് ചെയ്യണം.