സഹകരണ സര്വീസ് എക്സാമിനേഷന് ബോര്ഡ് രജത ജൂബിലി ആഘോഷം ഉദ്്ഘാടനത്തിന്റെ ഭാഗമായി 57 ജൂനിയര് കഌര്ക്ക് തസ്തികളിലേക്കും 12 അസിസ്റ്റന്റ് സെക്രട്ടറി തസ്തികളിലേക്കും നിയമന ശുപാര്ശ (advice memo ) നല്കി. റാങ്ക് പട്ടികയില് ഉള്പ്പെട്ട ഉദ്യോഗര്ത്ഥികള്ക്ക് കൗണ്സലിങ് നടത്തിയ ശേഷമാണ് നിയമന ശുപാര്ശ നല്കിയത്.
ഒന്നില് കൂടുതല് ബാങ്കുകളുടെ റാങ്ക് ലിസ്റ്റില് ഉള്പ്പെട്ടവരില് നിന്നും അവര്ക്ക് ഇഷ്ടപ്പെട്ട ബാങ്ക് തിരഞ്ഞെടുക്കാന് അവസരം നല്കുകയും ബാക്കി ബാങ്കുകളില് അവര് ജോലിക്ക് ചേരുന്നില്ലെന്ന സര്ട്ടിഫിക്കറ്റ് വാങ്ങിയുമാണ് ഈ പ്രക്രിയ പൂര്ത്തിയാക്കിയത്. സഹകരണ ഓഡിറ്റ് ഡയറക്ടര് ഡോ. റജില് എം.സി. നിയമന ശുപാര്ശ വിതരണം ചെയ്തു. ബോര്ഡ് ചെയര്മാന് എസ്.യു. രാജീവ് അധ്യക്ഷനായി.