സഹകരണ ജീവനക്കാരുടെ പെന്‍ഷന്‍ പദ്ധതിയില്‍ 3 ശതമാനം വര്‍ദ്ധനവ് അനുവദിച്ചതായി മന്ത്രി വി.എന്‍ വാസവന്‍ അറിയിച്ചു. കഴിഞ്ഞ നവംബറില്‍ 2 ശതമാനം വര്‍ദ്ധനവ് നല്‍കിയിരുന്നു. ഇതുവരെ 5 ശതമാനം വര്‍ദ്ധനവാണ് നല്‍കിയിരിക്കുന്നത്.
സഹകരണ പെന്‍ഷന്‍ പദ്ധതി കാലോചിതമായി പരിഷ്‌കരിക്കുന്നതിനും, പുന:ക്രമീകരിക്കുന്നതിനും സര്‍ക്കാര്‍ നിയോഗിച്ചിരുന്ന സമിതിയുടെ റിപ്പോര്‍ട്ടിന്റെ അടിസ്ഥാനത്തില്‍ സഹകരണ പെന്‍ഷന്‍ ബോര്‍ഡ് ഭരണസമിതി തീരുമാനം അനുസരിച്ചാണ് സര്‍ക്കാര്‍ വര്‍ദ്ധനവ് വരുത്തിയിരിക്കുന്നത്. പെന്‍ഷന്‍ പരിഷ്‌കരണ സമിതി റിപ്പോര്‍ട്ട് അനുസരിച്ചുള്ള എല്ലാ ധനാഗമ മാര്‍ഗ്ഗങ്ങളും നടപ്പില്‍ വരുത്തുന്നതിന് പെന്‍ഷന്‍ ബോര്‍ഡ് യോഗം തീരുമാനം കൈക്കൊണ്ടിട്ടുണ്ട്.
സംസ്ഥാനത്ത് സഹകരണ പെന്‍ഷന്‍ വാങ്ങുന്നവരുടെ മെഡിക്കല്‍ അലവന്‍സ്, ആശ്വാസ് പെന്‍ഷന്‍ എന്നിവയിലും ഈ സര്‍ക്കാര്‍ നേരത്തെ വര്‍ദ്ധന വരുത്തിയിരുന്നു. ഇതനുസരിച്ച് 600 രൂപയായും, ഇതരസഹകരണ പെഷന്‍കാരുടെ മെഡിക്കല്‍ അലവന്‍സ് നിന്ന് 500 രൂപയായും, കുടുംബ പെന്‍ഷന്‍കാരുടെ മെഡിക്കല്‍ അലവന്‍സ് 300 രൂപയായുമായിട്ടായിരുന്നു വര്‍ദ്ധിപ്പിച്ചിരിക്കുന്നത്. ആശ്വാസ് പെന്‍ഷന്‍ 1750 രൂപയായി അതിനൊപ്പം വര്‍ദ്ധിപ്പിച്ചിരുന്നു.