ദേശീയ സഹകരണ വികസന കോര്‍പറേഷനില്‍ ( എന്‍.സി.ഡി.സി ) സാമ്പത്തികോപദേഷ്ടാവിന്റെ ഒരൊഴിവുണ്ട്. സംവരണമില്ലാത്ത ഒഴിവാണ്. അര്‍ഹരായ പ്രൊഫഷണലുകള്‍ക്ക് 2026 ഒാഗസ്റ്റ് 31 വരെ അപേക്ഷിക്കാം. നിശ്ചിത അപേക്ഷാഫോറത്തിലാണ് ആവശ്യമായ രേഖകള്‍സഹിതം അപേക്ഷിക്കേണ്ടത്.
ഫിനാന്‍സ്, റിക്കവറി, അക്കൗണ്ട്സ്, ടാക്‌സേഷന്‍ / പ്രോജക്ട് അപ്രൈസല്‍ എന്നിവയില്‍ 18 വര്‍ഷത്തെ പരിചയവും പേ ലെവല്‍-13 ( 7th CPC ) ല്‍ / തത്തുല്യമായി കുറഞ്ഞത് അഞ്ചു വര്‍ഷം പരിചയവുമുള്ള ചാര്‍ട്ടേഡ് അക്കൗണ്ടന്റ് / കോസ്റ്റ് ആന്റ് മാനേജ്‌മെന്റ് അക്കൗണ്ടന്റുമാരാവണം. നിയമനം ന്യൂഡല്‍ഹിയില്‍. CFA, FRM, PRM, Cs യോഗ്യതയും സഹകരണബാങ്കിങ്ങില്‍ പരിചയവുമുള്ളവര്‍ക്കു മുന്‍ഗണന. പ്രായപരിധി 52 വയസ്. 1200 രൂപയാണ് അപേക്ഷാഫീസ്. എസ്.സി / എസ്.ടി. വിഭാഗക്കാര്‍ക്കും അര്‍ഹതപ്പെട്ട മറ്റു വിഭാഗക്കാര്‍ക്കും എന്‍.സി.ഡി.സി.യിലെ സ്ഥിരംജീവനക്കാര്‍ക്കും അപേക്ഷാഫീസ് വേണ്ടാ. വിശദവിവരങ്ങളും അപേക്ഷാഫോറവും എന്‍.സി.ഡി.സി.യുടെ ഔദ്യോഗിക വെബ്‌സൈറ്റിലുണ്ട്.