തിരുവനന്തപുരം: സഹകരണ പെൻഷൻകാരുടെയും കുടുംബ പെൻഷൻകാരുടെയും ഉത്സവബത്ത വർധിപ്പിച്ച് ഉത്തരവ്. 400 രൂപ വീതമാണ് 2026 ഓണത്തോടനുബന്ധിച്ച് ഉത്സവബത്ത വർധിപ്പിച്ചത്.
സഹകരണ പെൻഷൻകാർക്ക് 4,500 രൂപയും കുടുംബ പെൻഷൻകാർക്ക് 4,000 രൂപയുമാണ് ഉത്സവബത്തയായി അനുവദിച്ച് സഹകരണ വകുപ്പ് ഉത്തരവിറക്കിയത്. കഴിഞ്ഞ വർഷം സഹകരണ പെൻഷൻകാർക്ക് 4100 രൂപയും കുടുംബ പെൻഷൻകാർക്ക് 3600 രൂപയുമായിരുന്ന ഉത്സവബത്തയാണ് 400 രൂപ വർധിപ്പിച്ചത്.